USO ZURIA

Izar batek zerutik
klaritatez beterik (BIS)
Gauaz ere argitzen du
beste ororen gainetik;
dudatzen dut baduenentz
mundu hontan parerik,

mundu hontan parerik.

Izar haren begia
hain da xarmangarria, (BIS)
koloreak xuri-gorri,
perfekzionez betea,
eria-ere senda liro
haren begitarteak,

haren begitarteak.

Uso zuria errazu
nora joaten zaren zu (BIS)
Espainiako bortuak oro
elurrez beteak dituzu;
gaurko zure ostatu
gure etxean baduzu,

gure etxean baduzu.

Ez nau izutzen elurrak
ez eta ere gau ilunak, (BIS)
maiteagatik pasa nintzake
gauak eta egunak,
gauak eta egunak,
desertu eta oihanak,

desertu eta oihanak.

Usoa eder airean
ederrago mahainean. (BIS)
Zure parerik ez dut ikusi
Espainia guztian
ez eta ere Frantzian,
eguzkiaren azpian,

eguzkiaren azpian.